Hop til indhold
eqqartuussivik.gl

Pinerluffigineqarsimasut Taartisinissaannik Aalajangiisartut 

Pinerluffigineqarsimasut Naalagaaffimmiit Taarsiivigineqarnissaat pillugu Kalaallit Nunaanni Aalajangiisartut ulluinnarni taaguutaat tassaavoq ”Pinerluffigineqarsimasut Taartisinissaannik Aalajangiisartut”

Pinerliffigisanut taarsiivigineqarnissaq pillugu aalajangiisartut taarsiivigineqarnissamik qinnuteqaatit suliarisarpaat pinerluffigisanut taarsiiffigineqarnissaq pillugu inatsit malillugu.

Inummut ulorianaatilimmik pinerluffigineqarsimaguit imaluunniit qanigisatit ulorianaatilimmik pinerluffigineqarsimappata Pinerluffigineqarsimasut Taartisinissaannik Aalajangiisartut taarsiiffigisinnaavaatsit.

Tassa pinerluffigineqarneq pissutigalugu timikkut tarnikkulluunniit ajoquserneqarsimagussi.

Taarsiiffigineqassaguit qinnuteqarluni immersugassaq immersussavat pinerluffiullu piffiani politiinut tunniutissavat. Qinnuteqarluni immersuiffissaq politiinit aamma pineqarsinnaavoq.

Taarsiiffigineqassagaanni:

  • Ajoquserneq pinerluttulerinermi inatsimmik unioqqutitsinikkut pisimassaaq

  • Inuup ajoqusernera pineqassaaq. Assersuutigalugu anniarsimaneq, sulinermi isertitassaraluanik annaasaqaatit, taarsiivigineqarnissat ilaalu ílanngullugit

  • Pinerlunneq politiinut pisariaqanngitsumik kinguarsarneqanngitsumik nalunaarutigineqarsimassaaq (nalinginnaasumik nalunaaqutaap akuneri 24-t qaangiutsinnagit)
  • Pinerluuteqarsimasut taarsiiffigigineqarnissamik piumasaqaat saqqummiunneqassaaq, suliaq eqqartuussivimmiissimappat 

  • Pinerlunnerup pinerata kingorna ukiut marluk qaangiutsinnagit, Pinerliffigisanut taarsiivigineqarnissaq pillugu aalajangiisartunut piumasaqaat saqqummiussimassaaq.

Taarsiiffigineqarsinnaavutit, pinerliisoq kinaassusersineqanngikkaluartoq imaluunniit nassaarineqarsinnaanngikkaluartoq.

Pinerliisoq 15-it inorlugit ukioqarnini pissutigalugu eqqartuunneqarsinnaanngippat aamma taarsiivigineqarsinnaavutit.

Qulaanut Kingullermik nutarterneqarpoq: 18-12-2019