Hop til indhold
eqqartuussivik.gl

Kalaallit Nunaanni Eqqartuussiviit pillugit 

Kalaallit Nunaanni Eqqartuussiviit tassaapput eqqartuussiviit sisamat, Kalaallit Nunaanni Eqqartuussivik, aamma Nunatta Eqqartuussisuuneqarfia.

Eqqartuussiviit sisamaasut tasssaapput Eqqartuussisoqarfik Kujalleq, Eqqartuussisoqarfik SermersooqQeqqata Eqqartussisoqarfia aamma Qaasuitsup Eqqartuussisoqarfia. Taakkuupput Kalaallit Nunaanni kommuneqarfinni sisamaasuniittut. Sumiiffiit katillutik arfineq-pingasuusut aalajangersimasunik inuttaqartinneqarput.

Eqqartuussisoqarfiit aamma Kalaallit Nunaanni Eqqartuussivik tassaapput siullertut suliarinneqqaarfiusartut, tassa imaappoq, suliat amerlanertigut taakkunani aallartinneqartarput. Siullertut suliarinneqqaarfiusumi suliami eqqartuussut oqaatigineqareeraangat, suliami illuatungeriit suliap allamut suliareqqitassanngortinneqarsinnaaneranik periarfissaqarput, taannalu tassaavoq Nunatta Eqqartuussisuuneqarfia.

Eqqartuussiviit 80-it missiliorlugit sulisoqarput.

Kalaallit Nunaanni Eqqartuussiviit Danmark-imi Eqqartuussivinnut ilaapput.

Qulaanut Kingullermik nutarterneqarpoq: 7/17/2018