Hop til indhold
eqqartuussivik.gl

Isumagisassaat suliassaallu 

Tamat oqartussaaqataanerat, inuiaqatigiit inatsiseqartitaanerat inuillu ataasiakkaat inatsisitigut isumannaatsuutinneqarnissaat eqqartuussiviit eriagisarivaat.

Eqqartuussiviit suliassaat inatsisini tunngaviusuni inatsisilianilu allani aalajangersarneqarnikuuvoq.

Eqqartuussiviit inatsisinik unioqqutitsinernut pineqatissiissutissiisarput aamma inuit, suliffeqarfiit oqartussaasullu isumaqatigiinngissutaat aalajangiiffigisarpaat. Oqartussaasut iliuusaat inatsisinut naapertuunnersoq, inatsisiliornerlu inatsisinut tunngaviusunut naapertuuttuunersoq aamma nunat tamalaat pisussaaffii pillugit apeqqutit eqqartuussiviit aalajangiiffigisarpaat. Aamma eqqartuussiviit akilisitsisarnerit, pigisanik agguaassinerit aamma illunik pigisanillu nalunaarsuinerit suliarisarpaat.

Inatsisit tunngaviusut oqaasertai atoraanni: Eqqartuussiviit eqqartuussinissamut pissaaneqarput.

Kikkulluunniit inatsisitigut assigiisinneqarnissaat eqqartuussiviit qularnaartussaavaat aamma inuit ataasiakkaat pissaanermik atuipilunnermut illersortussaavaat. Taamaattumik eqqartuussisut inatsisit tunngaviusut naapertorlugit nakerisarsiortuunngillat – sulianik aalajangiinerminni inatsisit kisiisa malillugit aalajangiisassapput aamma kinaassusersiortuussanngillat. Politikikkut soqutigisanit susassarinngisanilluunniit allanit aqunneqassanngillat.

Takorluukkat, naleqartitat anguniakkallu

Nunatsinni Eqqartuussiviit Danmarkimi Eqqartuussiviit ilaattut taakkua takorlugaasa, naleqartitaasa anguniagaasalu assipajaavinik aallaaviusumik malitassaqarput. Nunatsinni eqqartuussisoqarfiit assigiinngitsut anguniakkatik suliniuteqarfigisassatillu nunatsinni atukkaminnut naleqqussartarpaat.

Qulaanut Kingullermik nutarterneqarpoq: